Një vrasje ndodhi mëngjesin e së shtunës, 14 shkurt, në Montecalvoli të Santa Maria a Monte, në provincën e Pizës. Viktima është një 25-vjeçar nga Fucecchio, Kevin Muharremi, me origjinë shqiptare. Ngjarja ndodhi rreth orës 05:00 në zonën Repubblica, në qendër të qytetit, shkruan Alpenews.al.
Sipas informacioneve të para, është shpallur kërkimi për autorin: personi që ka qëlluar është në arrati, dhe është parë për herë të fundit në autostradë në drejtim të Romës.
Konflikti, më pas krimi
Nga rindërtimi i parë i ngjarjes, 25-vjeçari (dhe jo 22 siç u raportua fillimisht) po kthehej në shtëpi pas një mbrëmjeje në një pub në Valdera, ku dyshohet se kishte ndodhur një konflikt. Ai ishte në shoqërinë e një miku dhe një kushëriri, kur, ndërsa ndodheshin në makinë (viktima ishte në sediljen e pasagjerit), u godit nga të shtëna me armë zjarri të ardhura nga një automjet tjetër. Në origjinë të vrasjes mund të jetë pikërisht ajo që ndodhi më parë në lokal: nuk përjashtohet mundësia që autori dhe 25-vjeçari të njiheshin. Muharremi punonte në një lavazh makinash në Fucecchio.
Të shtënat dhe britmat
Banorët kanë dëgjuar të paktën tre të shtëna me armë dhe më pas britma: “E vranë Kevin, e vranë Kevin”. Ngjarja ndodhi përpara një bari dhe pranë selisë së Misericordia-s së Montecalvolit.
Hetimet
Në vendngjarje mbërritën karabinierët, prokurori Fabio Pelosi dhe urgjenca 118, të cilët tentuan ta reanimojnë të riun në rrugë.
Përktheu Alpenews.al marrë nga Il Tirreno!
