Një automjet është përfshirë nga flakët mbrëmjen e sotme në zonën e Ujit të Ftohtë, në qytetin e Vlorës, duke shkaktuar bllokim të përkohshëm të qarkullimit rrugor.
Sipas informacioneve paraprake, mjeti ka marrë flakë gjatë lëvizjes dhe brenda pak minutash është përfshirë totalisht nga zjarri.
Menjëherë pas njoftimit, në vendngjarje kanë mbërritur shërbimet zjarrfikëse.
Fatmirësisht nuk raportohet për persona të lënduar, ndërsa shkaqet e rënies së zjarrit mbeten ende të paqarta.
