Një histori prekëse ka tronditur Mbretërinë e Bashkuar, pasi ka ndërruar jetë në moshën vetëm 24-vjeçare Andre Yarham, i njohur si pacienti më i ri me demencë në vend. I riu humbi jetën më 27 dhjetor, vetëm pak ditë pas Krishtlindjeve.
Andre, nga Dereham në Norfolk, u diagnostikua në moshën 22-vjeçare me demencë frontotemporale, një formë jashtëzakonisht e rrallë e sëmundjes që shkaktohet nga një mutacion proteinik dhe prek vetëm një numër shumë të vogël pacientësh. Skanimet mjekësore treguan se truri i tij kishte karakteristika të ngjashme me atë të një personi 70-vjeçar, vetëm pak javë para se të mbushte 23 vjeç.
Nëna e tij, Sam Fairburn, e përshkroi Andre si një djalë me zemër të artë, duke rrëfyer se shenjat e para u shfaqën në vitin 2022, kur ai filloi të fliste dhe të lëvizte më ngadalë, shpesh duke humbur përqendrimin dhe reagimin ndaj njerëzve përreth.Tentuan të shesin foshnjën një ditë pas lindjes, çifti zbulohet nga policia dhe…
Me përparimin e sëmundjes, Sam u bë kujdestare me kohë të plotë për të birin, duke e ndihmuar në veprimet më bazike të përditshmërisë. Gjatë muajve të fundit, gjendja e Andre u përkeqësua ndjeshëm, duke humbur të folurin, aftësinë për të ushqyer veten dhe, në fund, edhe vetëdijen për praninë e familjarëve.Në gjashtë muajt e fundit të jetës, ai u shtrua fillimisht në spital për shkak të një infeksioni, çka shënoi fillimin e një rënieje të shpejtë shëndetësore. Më pas u transferua në Priscilla Bacon Lodge Hospice, ku ndërroi jetë pas pak më shumë se një jave.
Familja e Andre mori vendimin fisnik për të dhuruar trurin e tij për kërkime shkencore, me shpresën se rasti i tij mund të ndihmojë në kuptimin dhe trajtimin e demencës në moshë të re.
