Një ngjarje e trishtë është raportuar së fundmi: Stefanie Pieper, influencerja dhe make-up artistja nga Graz, Austri, e cila ishte zhdukur më 23 nëntor 2025, është gjetur e pajetë brenda një valixheje. Natën e 23 nëntorit, ajo doli nga një taksi para banesës së saj dhe papritmas humbi çdo kontakt. Të afërmit e saj deklaruan për mediat e huaja se telefoni i saj ishte i fikur, ndërsa pas kontrolleve të ushtruara në apartamentin e saj u gjet vetëm qeni i saj.
Mediat austriake raportojnë se i dyshuari kryesor për vrasjen e saj është ish-partneri i Stefanie Pieper. Ai u arrestua në Slloveni pranë makinës së tij të djegur dhe më pas u ekstradua në Austri për t’u marrë në pyetje. Po ashtu, bëhet me dije se dy familjarë të tij po hetohen nën dyshimin për manipulim të provave. Policia dhe prokuroria sllovene pritet të publikojnë detaje të reja së shpejti, ndërsa po bashkëpunojnë ngushtë me autoritetet austriake për të përfunduar rindërtimin e plotë të ngjarjes
