Në pikturën “Vajzat e lindjes së diellit”, artistja kosovare Dafinë Vitija paraqet disa figura femërore të veshura me kostume tradicionale shqiptare, të rrethuara nga dritë dhe ngjyra që simbolizojnë lindjen, jetën dhe trashëgiminë.
Kjo vepër është realizuar në vitin 2024.
Gratë duken sikur ngrihen nga rrezet e diellit, me qëndrime fisnike dhe fytyra të qeta, duke përfaqësuar forcën dhe hijeshinë e gruas shqiptare në çdo trevë. Ngjyrat e ndezura, detajet e stolisura dhe përzierja e stileve folklorike japin ndjesinë e një tabloje që frymon traditë e identitet.
Dafinë Vitija është një piktore kosovare me stil bashkëkohor dhe frymë kombëtare, e cila njihet për mënyrën e veçantë me të cilën ndërthur traditën shqiptare me ndikime moderne e ndërkulturore.
E krahasuar shpesh me Picasson për përdorimin e kubizmit dhe formave të guximshme, ajo e përdor artin si mjet për të promovuar kulturën shqiptare në botë.
Përmes veprave të saj plot ngjyra, Vitija kthehet në një zë të fortë të identitetit kulturor, duke e paraqitur gruan si simbol të dritës, shpirtit dhe krijimit.
