Një 65-vjeçar ka rënë në prangat e policisë pasi vodhi çantën e një klienti në një lokal në rrugën “Mihal Duri” në kryeqytet.
Pasi mori çantën me 14 mijë euro Ardian Gurakuqi e fshehu atë në një rrugicë përgjatë Rrugës së Durrësit, siç shihet edhe nga pamjet e kapura nga kamerat e sigurisë.
Çanta u sekuestrua nga blutë si provë materiale
Vijojnë hetimet për vjedhjet që mund të ketë kryer autori.
“Si rezultat i administrimit të menjëhershëm të kallëzimit të një shtetasi, se në një lokal në rrugën “Mihal Duri”, i kishin vjedhur çantën me një shumë eurosh në të, shërbimet e Komisariatit të Policisë Nr. 3 identifikuan dhe kapën autorin e dyshuar të vjedhjes, shtetasin A. G., 65 vjeç.
Gjithashtu, gjetën të fshehur në një rrugicë përgjatë Rrugës së Durrësit, çantën me shumën e eurove, e cila u sekuestrua me cilësinë e provës materiale.
Punohet për zbardhjen e vjedhjeve të tjera që mund të ketë kryer shtetasi A. G”, njoftoi sot policia.
Materialet procedurale iu referuan Prokurorisë, për veprime të mëtejshme.
