Këshilli Bashkiak i Tiranës mblidhet sot në orën 16:00 për të shqyrtuar kërkesën për shkarkimin e Erion Veliajt nga detyra e kryebashkiakut.
Mësohet se këshilltarët socialistë kanë bërë gati projekt-vendimin për shkarkimin e Erion Veliajt.
Sigurohet për propozimin e shkarkimit të kryetarit të bashkisë Tiranë, Erion Veliaj.
Në orën 10:00 u mblodh sot Komisioni i Çështjeve Ligjore dhe Drejtësisë Sociale, i cili shqyrtoi kërkesën e anëtarëve socialistë të Këshillit Bashkiak.
Kërkesa, e firmosur nga grupi i këshilltarëve të mazhorancës vendos si motiv për shkarkimin nenin 62 të ligjit “Për Vetëqeverisjen Vendore”, ku thuhet: “Kryetari i bashkisë shkarkohet me vendim të Këshillit të Ministrave kur: propozohet për shkarkim nga Këshilli Bashkiak përkatës për mosparaqitje në detyrë për një periudhë 3-mujore të pandërprerë”.
Këshilltarët argumentojnë se prej datës 10 shkurt që Erion Veliaj është arrestuar, kryeqyteti nuk ka kryetarin e zgjedhur dhe Tirana ka nevojë për një kryetar në detyrë, për ndjekjen e punëve.
