Presidenti i SHBA-së, Donald Trump njoftoi dje se presidenti kinez, Xi Jinping kishte miratuar një marrëveshje mbi të ardhmen e funksionimit të TikTok-ut, në SHBA.
Presidenti i SHBA-së nuk dha shumë detaje, por tha se marrëveshja ishte ende duke u finalizuar.
“Marrëveshja e TikTok-ut është në rrugë të mbarë… dhe investitorët po përgatiten”, u tha Trump gazetarëve në Shtëpinë e Bardhë.
Këtë javë, qeveria amerikane deklaroi se ekzistonte një “kornizë” për një marrëveshje për TikTok-un me Kinën, ku ndodhet selia e pronarit aktual, “ByteDance”.
Trump konfirmoi deklaratat e mëparshme se investitorët amerikanë do të merrnin përsipër biznesin e TikTok-ut në SHBA.
Ndërkohë, “Wall Street Journal” raportoi se qeveria amerikane do të merrte disa miliardë dollarë nga investitorët, si pjesë e transaksionit.
“Marrëveshja nuk është finalizuar ende, por do të marrim “diçka”, tha Trump kur u pyet nga gazetarët
