Një 28-vjeçar ka rënë në prangat e policisë pasi së bashku me një tjetër goditi me grushte dhe sende të forta një 37-vjeçar, në pedonalen para Bashkisë së Vaut të Dejës.
Bashkëpunëtori i të riut ndodhet ende në kërkim.
Njoftimi i policisë:
Shërbimet e Komisariatit të Policisë Vau i Dejës, në vijim të punës për kapjen e shtetasve të shpallur në kërkim, në bashkëpunim me Policinë Kufitare të Kapshticës, Korçë, bënë të mundur kapjen e shtetasit G. H., 28 vjeç, banues në Klos, Mat.
Ky shtetas ishte shpallur në kërkim, pasi dyshohet se, në bashkëpunim me një shtetas tjetër ende të paidentifikuar, më datë 19.08.2025, në pedonalen para Bashkisë së Vaut të Dejës, kanë goditur me grushte dhe me sende të forta shtetasin D. L., 37 vjeç.
Vijojnë hetimet për dokumentimin e rrethanave të rastit dhe për identifikimin dhe kapjen e autorit tjetër të dyshuar për këtë ngjarje.
Materialet procedurale iu referuan Prokurorisë, për veprime të mëtejshme.
