Publikohet video e replikave të zhvilluara sot në Komisionin e Punës Çështjeve Sociale dhe Shëndetësisë teksa diskutohej drafti për statusin e minatorëve i propozuar nga deputeti i LSI-së, Përparim Spahia.
Videoja e siguruar për “BalkanWeb” nga gazetari Erjon Skëndaj tregon momentin kur deputeti i PS-së Ilir Pandevinji replikon me deputeten e PD-së Grida Duma, për shpehjen me të cilën ajo iu drejtua më herët: “S’jeni burra”.
E ndërsa ai përpiqet ta intimidojë deputeten demokrate duke u kapur pas fjalëve, ka marrë edhe një përgjigje nga ajo.
Duma: Me veten dilni përjashta, për përmbajtjen ua tregoj këtu brenda, për veten ua tregoj përjashta
Pandevinji: Ku e ke provuar burrërinë e këtyre burrave ti? Mbase e ka provuar, nuk e di…dhe i tërheq vëmendje për mënyrën e drejtimit ndaj burrave të komisionit…ka mundësi t’ua kërkosh ndryshe
Duma: Për fatkeqësinë tuaj ju i referoheni kompleksit të burrërisë personale! Por unë po ju flas për atë që në kulturën shqiptare është mbajtja e fjalës, e besës dhe e burrërisë si përgjegjësi! Nëse dilni në fushatë dhe premtoni, mbani fjalën, për këtë burrëri ju kërkohet llogari!
