Princi Harry, ka realizuar një vizitë të papritur në Kiev, sipas një njoftimi nga zëdhënësi i tij.
Udhëtimi u zhvillua me ftesë të qeverisë ukrainase, me Dukën e Sussex-it që shkoi në kryeqytetin ukrainas për të kontribuar në iniciativa për rehabilitimin e ushtarëve të plagosur rëndë gjatë luftës trevjeçare me Rusinë.
❕ Prince Harry and Polish Foreign Minister Radosław Sikorski Arrive in Kyiv
Kjo vizitë vjen vetëm disa ditë pas takimit të tij me Mbretin Charles, për të cilin Harry deklaroi se “është i mrekullueshëm”.
Dyshja u takuan në Clarence House për një çaj privat të mërkurën e kaluar, takimi i tyre i parë pas 19 muajsh, i cili zgjati vetëm 54 minuta.
Herën e fundit që babë e bir u panë ishte në shkurt të vitit 2024, kur Harry udhëtoi me urgjencë drejt Britanisë pas lajmit për diagnozën me kancer të monarkut.
Harry dhe bashkëshortja e tij, Meghan Markle, jetojnë në mënyrë të përhershme në Kaliforni që nga marsi i vitit 2020, kur hoqën dorë nga detyrat e tyre zyrtare si anëtarë të lartë të familjes mbretërore.
