Artur Bashimi, 47 vjeç, u gjet i vdekur të hënën më 18 gusht 2025, me plumb në kokë, në rrugën Mihail Voda në Kato Patissia në Athinë, shkruan media greke.
Policët që mbërritën menjëherë në vendngjarje nisën hetimet, duke u fokusuar tek motivi i vrasjes së qëllimshme.
Dyshimet e para tregojnë për një mundësi të “larjes së hesapeve” në fushën e trafikut të drogës.
47-vjeçari ishte arrestuar në shkurt të vitit 2022 për pjesëmarrje në një organizatë kriminale prej 19 personash që kryente vjedhje në transportin publik, si dhe në prill të vitit 2024 për çështje të ngjashme.
Çfarë thonë mediat shqiptare, në lidhje me vëllain e tij?
Me interes të veçantë shihet vëllai i tij 38-vjeçar, Marsel Bashimi, i njohur edhe me nofkat “Shkurtaj” ose “Gozhita”.
Ai kishte dosje të shumta si në policinë greke ashtu edhe në atë shqiptare, ndërsa në korrik të vitit 2022 ishte arrestuar i akuzuar për vrasjen e një polici.
Marseli konsiderohet si “dora e djathtë” e një drejtuesi të një organizate kriminale që vepron në Shqipëri.
Sipas mediave shqiptare, po shqyrtohet mundësia nëse vrasja e 47-vjeçarit lidhet me aktivitetet kriminale të familjes.
Autoritetet greke vijojnë hetimet, duke marrë në konsideratë të gjitha motivet e mundshme pas kësaj vrasjeje.
Përshtati Alpenews.al
