Një grua ka mbetur e plagosur me thikë pasi u godit nga bashkëjetuesi i saj.
Ngjarja ka ndodhur një ditë më parë në Tiranë në rrugën “Besim Alla”.
E plagosura ndodhet në spital nën kujdesin e mjekëve.
Ndërsa autori, i identifikuar si F.C. 41 vjeç, ishte arratisur nga vendngjarja, por brenda pak kohësh u kap nga forcat e Komisariatit Nr.4 në bashkëpunim me Komisariatin 6.
Njoftimi i Policisë Tiranë:
Plagosi me mjet prerës (thikë) për motive të dobëta bashkëjetuesen e tij, kapet dhe vihet në pranga 41-vjeçari.
Sekuestrohet mjeti prerës (thikë).
Pas marrjes së njoftimit se në rrugën “Besim Alla”, një shtetas kishte plagosur me mjet prerës (thikë) bashkëjetuesen e tij kanë shkuar menjëherë në vendngjarje ku si rezultat i veprimeve të shpejta, Specialistët për Hetimin e Krimeve të Rënda në bashkëpunim me Komisariatin e Policisë Nr. 6 kanë bërë të mundur identifikimin dhe vënien në pranga të autorit të dyshuar shtetasin:
-F. C., 41 vjeç.
41-vjeçari pas një konflikti për motive të dobëta, mbrëmjen e djeshme, në banesë, në rrugën “Besim Alla” ka goditur me mjet prerës (thikë) bashkëjetuesen e tij, e cila ndodhet nën kujdesin e mjekëve.
Materialet procedurale iu referuan Prokurorisë së Tiranës, për veprime të mëtejshme.
