Policia e Tiranës ka finalizuar me sukses operacionin policor të koduar “Destinacioni”, duke arrestuar një 23-vjeçar që udhëtonte me armë zjarri në një taksi, në tentativë për të shmangur kontrollet e uniformave blu.
I riu, me inicialet P. Gj., banues në Lezhë, u kap në zonën e Rrugës së Dibrës, ku po udhëtonte me një mjet taksi së bashku me kushëririn e tij, 24-vjeçarin Xh. Gj. Gjatë kontrollit të ushtruar nga efektivët e Komisariatit të Policisë Nr. 4, në çantën e 23-vjeçarit u gjet një armë zjarri e llojit pistoletë me municion.
Në përfundim të veprimeve procedurale, P. Gj. u arrestua në flagrancë për veprën penale “Mbajtja pa leje dhe prodhimi i armëve, armëve shpërthyese dhe i municionit”, ndërsa kushëriri i tij u procedua në gjendje të lirë për “Moskallëzimi i krimit”.
Materialet iu referuan Prokurorisë së Rrethit Gjyqësor Tiranë për veprime të mëtejshme hetimore.
Lëvizte me taksi, për të shmangur kontrollet e Policisë, pasi kishte me vete armë zjarri, arrestohet 23-vjeçari, banues në Lezhë.Sekuestrohet arma e zjarrit me municion.
Procedohet penalisht kushëriri i 23-vjeçarit, i cili e shoqëronte në mjet.Si rezultat i administrimit të menjëhershëm të informacioneve të siguruara në rrugë operative, se një shtetas që levizte me taksi, posedonte 1 armë zjarri, shërbimet e Komisariatit të Policisë Nr. 4 finalizuan operacionin “Destinacioni”.Gjatë operacionit, u ndalua në Rrugën e Dibrës, taksia me të cilën lëviznin shtetasi P. Gj., 23 vjeç dhe kushëriri i tij, shtetasi Xh. Gj., 24 vjeç, të dy banues në Lezhë. Nga kontrollet, në çantën e 23-vjeçarit, u gjet 1 armë zjarri pistoletë me municion.
Në përfundim të veprimeve procedurale në lidhje me këtë rast, shtetasi P. Gj. u arrestua për veprën penale “Mbajtja pa leje dhe prodhimi i armëve, armëve shpërthyese dhe i municionit”, ndërsa 24-vjeçari u procedua në gjendje të lirë, për veprën penale “Moskallëzimi i krimit”.
Materialet procedurale iu referuan Prokurorisë së Tiranës, për veprime të mëtejshme.
