Pas më shumë se dy muajsh nga zgjedhjet parlamentare të 11 majit, kreu i KQZ Ilirjan Celibashi do të shpërndajë sot mandatet për subjektet politike dhe do të caktojë kandidatët fitues për qarkun e Tiranës. Lufta Lapaj-Shabani për mandatin tashmë është zhvendosur në KQZ, ku përfaqësuesja e partisë “Shqipëria Bëhet” kërkoi edhe njëherë që mandati t’i kalojë listës së hapur.
“Është regjistruar në KQZ, me vendim 237, si koalicion për zgjedhjet e 11 majit. Për efekt të këtij regji është depo edhe marrëveshja e koalicionit, subjektet kanë rënë dakord për lista të fiksuara dhe garë të hapur. Ka fituar 1 mandat, më datë 11 maj, koalicioni ka para dorë nga kandidimi para fillimit të procesi të rin dhe pa u mbyllur procesi i rinumërimit për kandidatët e listës së mbyllur për këtë qark. Dorë është kryer kur mandati nuk ekziston, nuk bëhet fjalë për dorë nga mandati, por nga kandidmi. Është përfundimtar, duke e përjashtuar kandidatin nga çdo e drejtë për të përfituar mandat. Nuk janë subjekte garues”, tha Dorina Prethi.
Ndërkohë, Report Tv ka mësuar se edhe PSD e Tom Doshit do të djegë të gjithë listën e mbyllur të Tiranës. Mandati do t’i kalojë të parit nga lista e hapur, Tedi Mula. 30-vjeçari mori 2500 vota, dhe është nipi i Avni Mulës e Inva Mulës, dhe sipërmarrës në fushën e AgroPërpunimit.
