Prokuroria dhe Policia e Elbasanit, në orët e para të mëngjesit të së hënës, në zbatim të vendimit të Gjykatës së Elbasanit, kanë zhvilluar kontrolle në 14 banesa të personave që kanë lidhje me inceneratorin në qytetin e Elbasanit.
Kontrollet e Prokurorisë janë kryer në kuadër të hetimeve që po zhvillohen për këtë incenerator, për veprën penale të “shpërdorimit të detyrës”.
Hetimet kanë nisur më shumë se një vit më parë për zjarrvënie, pasi fusha e mbetjeve u përfshi nga flakët në vitin 2024, por duket se gjatë hetimeve Prokuroria ka gjetur elementë të shpërdorimit të detyrës.
