Një ngjarje makabre ka tronditur opinionin publik në shtetin e Uashingtonit, SHBA, pasi Travis Decker, një veteran 32-vjeçar i ushtrisë amerikane, dyshohet se ka vrarë tri vajzat e tij të mitura përpara se të zhdukej në pyje. Vajzat Paityn (9 vjeç), Evelyn (8 vjeç) dhe Olivia (5 vjeç) u raportuan të zhdukura të premten e kaluar, pasi duhet të takoheshin me babanë e tyre. Trupat e tyre u gjetën të hënën në një kamp në Leavenëorth, rreth 50 km larg shtëpisë së tyre.
Hetimet zbuluan se vajzat ishin lidhur dhe më pas ishin mbytur me qese plastike. Decker ka përvojë të gjerë ushtarake dhe është i stërvitur për mbijetesë në kushte ekstreme. Kjo e ka bërë më të vështirë ndjekjen e tij, thonë autoritetet. Ai shërbeu si parashutist në Afganistan dhe ishte pjesë e Gardës Kombëtare të Uashingtonit, por kishte ndërprerë pjesëmarrjen në stërvitjet mujore dhe ishte drejt largimit nga radhët e ushtrisë për arsye disiplinore.
“I stërvitur dhe i rrezikshëm!”. Ish-ushtaraku vret 3
Ish-bashkëshortja e tij, Ëhitney, kishte shprehur shqetësime për gjendjen e tij mendore dhe stabilitetin emocional, duke theksuar se ai vuante nga çrregullime të personalitetit dhe nuk merrte trajtim.Ndërkohë, policia dhe agjencitë federale janë në kërkim të Decker, i cili konsiderohet i armatosur dhe shumë i rrezikshëm. Një shpërblim prej 20 000 dollarësh është ofruar për informacione që çojnë në arrestimin e tij.
