I penduari i drejtësisë Erion Alibej ka zbardhur në GJKKO episode të rëndësishme që lidhen me aktivitetin kriminal të një grupi të strukturuar dhe ngjarje të rënda që tronditën opinionin publik.
Sipas dëshmisë së tij, Alibej ka deklaruar se pas një takimi në shtëpinë e Suel Çelës, ishte larguar drejt Anglisë, për t’u rikthyer përfundimisht në Shqipëri në vitin 2018.
Ai ka treguar për një incident të ndodhur pranë zonës së “5 Majit”, ku pretendon se është ndjekur nga një makinë me katër persona, mes të cilëve edhe Xhoni Rusta. Alibej ka rrëfyer gjithashtu se gjatë kohës kur ishte në kërkim ka qëndruar kryesisht në banesën e tij, por edhe në Durrës dhe në një fshat mes Elbasanit dhe Peqinit, tek shtëpia e Aldo dhe Kevi Bahos. Sipas tij, në qershor të vitit 2019, Kevi Bahos ishte objekt i një atentati.
Dëshmia e Alibej:
Rrija në shtëpinë time, por disa kohë te një shok në Durrës. Shumicën e kohës kam qenë te shtëpia e Aldo dhe Kevi Bahos. Ata jetojnë në një fshat mes Elbasanit e Peqinit. Në qershor 2019 i bënë atentat Kevi Bahos. Gjatë kësaj kohe mbaja kontakte me Anglinë, ndërsa Endriti vijonte aktivitetin në Holandë.
Çopja e ka prezantuar Endritin me një djalë, të cilin Endriti e ka pasur ortak në narkotrafik deri në fund. Ky person i kishte blerë një makinë Francit, makinë me vend të posaçëm për drogë. Kjo makinë ishte grabitur dhe kishin bërë fjalë për këtë. Hera e parafundit që ka ardhur Endriti ishte në shtator 2018, bashkë me një shtetas turk, i njëjri që u vra në masakrën e Bradasheshit.Unë u vetëdorëzova kur më vranë djalin e xhaxhait, Andi Zylyfi. Unë kisha edhe një radio policie. Ma kishte siguruar dikush qe e njihja nga Genc Tafili.
