Presidenti Donald Trump po zvogëlon në mënyrë drastike stafin e Këshillit të Sigurisë Kombëtare me shkurtime nga puna dhe pezullime administrative.
Të shkarkuarit ishin pjesë e stafit që merrej me shumicën e çështjeve të mëdha gjeopolitike, nga Ukraina në Kashmir.Ky veprim erdhi vetëm disa javë pasi Sekretari i Shtetit Marco Rubio mori detyrën nga Mike Waltz si këshilltar i sigurisë kombëtare.
Ristrukturimi pritet të zvogëlojë më tej ndikimin e agjencisë , duke e transformuar atë nga një organ i fuqishëm politikëbërës në një organizatë të vogël të fokusuar më shumë në zbatimin e axhendës së presidentit sesa në formësimin e saj, thanë burimet për Reuters. ky veprim pritet t’i japë më shumë autoritet Departamentit të Shtetit, Departamentit të Mbrojtjes dhe departamenteve dhe agjencive të tjera të përfshira në çështjet e diplomacisë, sigurisë kombëtare dhe inteligjencës.
Këshilli i Sigurisë Kombëtare është tradicionalisht organi kryesor i përdorur nga presidentët për të koordinuar strategjinë e sigurisë kombëtare. Stafi i tij shpesh merr vendime kyçe në lidhje me qasjen e Amerikës ndaj konflikteve më të paqëndrueshme në botë dhe luan një rol kyç në mbajtjen e Amerikës të sigurt.
Organi kishte më shumë se 300 punonjës nën drejtimin e Biden, por edhe para shkarkimeve të fundit nën udhëheqjen e Trump ishte dukshëm më pak se gjysma e madhësisë së Këshillit Kombëtar të Sigurisë të Bidenit.
