Kjo është pamja (FOTOT poshtë) që të ofron sot, “Kafja e Madhe” në qytetin e Shkodrës.
Shumë shpejt falë projektit të qeverise në bashkëpunim me Bashkinë, objekti do të kthehet në identitet.
Rrugëtimi i kësaj godine historike merr një tjetër rrjedhë, pas nisjes së punimeve për rikonstruksionin e saj duke e rikthyer në identitetin e vet, bazuar tek projekti origjinal.
Punimet restauruese do të risjellin të gjithë elementët që e ribëjnë “Kafen e Madhe” objektin identifikues të qendrës së qytetit të Shkodrës dhe një nga objektet simbol të arkitekturës por mbi të gjitha të memories historike shqiptare.
“Kafja e Madhe” konsiderohet si objekt simbol i qytetit, duke qenë për dekada me radhë shtëpia e elitës intelektuale, arsimore, fetare, financiare dhe artistike Shkodrane.
Ajo është një dhuratë që artisti i shquar Kolë Idromeno, i la vendlindjes një shekull më parë.
Ndërtesa ishte aq shumë e njohur dhe me famë, sa austriaket në vitin 1914, (Lufta e Parë Botërore) pasi u larguan nga Shkodra, me foton e “Kafes së Madhe” shtypën kartolina.
Por pas rënies së komunizmit, ndërtesa historike u la në harresë dhe në degradim total.
Pas shume e shume vitesh historie gjyqesh e pronesie, me ne fund, biznesi privat ia doli qe te gjeje fondet dhe te japi garancite qe ky monument kulture i rralle, te rikthehet ne identitet.
