Gjatë një takimi me qytetarët në Korçë, kryeministri Edi Rama nuk i kurseu batutat, duke ironizuar me stilin e veshjes së kryebashkiakut të Korçës.
“Se vjen njëriu në Korçë dhe i del Sotiraqi me kostum ‘alla-frënga’. Ku je Sotiraq? Apo s’ka ardhur fare ky. Shih ke nxjerrë këmishën jashtë për t’u dukur si trendi tani… Po lëre, se s’të shkon ty këmisha jashtë. Ti je për okllainë,” – tha Rama mes të qeshurave të të pranishmëve.
Kreu i qeverisë vijoi me batutat duke shtuar: “Të vjen Sotiraqi tani dhe thotë: ‘Ne jemi mirë për këto lojërat me dorë, po ç’faj kemi ne që të tjerët s’kanë haber nga tenisi’. Kemi plot lojtarë tenisi në shkolla.”
Takimi u zhvillua në një atmosferë të gjallë, ku Rama shfrytëzoi rastin për të komentuar edhe përfshirjen e të rinjve në sport dhe edukim.
