Mbrëmjen e sotme janë raportuar të shtëna me armë zjarri në zonën e Liqenit Artificial në kryeqytet. Sipas informacioneve paraprake, dyshohet për një konflikt çasti, ku një person mund të ketë qëlluar në ajër.
Deri në këto momente nuk ka të dhëna për persona të plagosur, ndërsa forcat e rendit ndodhen në vendngjarje dhe po vijojnë verifikimet. Autoritetet theksojnë se informacioni është ende paraprak dhe po punohet për sqarimin e plotë të rrethanave.Menjëherë pas marrjes së njoftimit, shërbimet e policisë kanë shkuar në vendngjarje për të verifikuar situatën.
