Një aksident i rëndë ka ndodhur në aksin rrugor Elbasan-Metalurgjik.
Tre automjete janë përplasur me njëri-tjetrin.
Mësohet se nga aksidenti është plagosur një prej drejtuesëve të automjetit, i cili është dërguar në spital për të marrë ndihmën e shpejtë mjekësore.
***
NJOFTIMI I POLICISË
Më datë 28.01.2018 në aksin rrugor Elbasan – Metalurgji janë përplasur tre automjete.
Si pasojë është dëmtuar lehtë drejtuesja e mjetit me targa AA 132 SR, shtetasja M.H., 26 vjeçe banuese në Elbasan, e cila është dërguar për ndihmë mjekësore në spitalin Kirurgjik Elbasan dhe ndodhet jashtë rrezikut për jetën.
Policia ndodhet në vendngjarje dhe po punon për përcaktimin e shkaqeve të aksidentit.
Përgatiti: AlpeNews.al
