Maria Sofia Lombardo, shoqja e ngushtë e Ilaria Sulës, ka dhënë një intervistë të ndjerë ku ka rrëfyer momentet pas krimit tragjik që ndodhi me vajzën e saj më të mirë. Ajo ka treguar se ka takuar Mark Antony Samson, autorin e vrasjes së Ilaria, vetëm një orë pasi ai kishte hedhur trupin e saj në pyll brenda një valixheje.
Maria tregon se Samson e kontaktoi për t’u takuar, duke i folur për problemet që kishte pasur me Ilarian. “Ilaria ishte shoqja ime më e mirë. Ai copa e m***, siç duhet ta quaj, më shkruante se donte të më takonte, një orë pasi hodhi trupin e saj. U ulëm të hanim dhe më tregoi për ulje-ngritjet që kishte me Ilarian. Jam e shkatërruar. Ishim praktikisht motra, sepse jetonim bashkë,” tha Maria, e shkatërruar nga dhimbja.
Ajo ka zbuluar gjithashtu se ishte marrë në telefon nga Samsoni, i cili i shkruante mesazhe duke përdorur telefonin e Ilaria-s. “Nga telefoni i Ilarias, Samsoni më kishte shkruar se po shkonte të takonte një djalë që nuk e kishte parë kurrë më parë, i cili ishte jashtë qytetit, afër Napolit, dhe se nuk donte të më dërgonte vendndodhjen e saj edhe pse e kisha pyetur tre-katër herë gjatë gjithë bisedës. Vërtet dukej se Ilaria shkruante, sepse na njihte aq mirë, sa dinte dhe çfarë mesazhesh të dërgonte,” shtoi Maria, duke theksuar se Ilaria ishte një person shumë i dashur dhe e njohur nga të gjithë.
Ky rrëfim i shoqes së viktimës sjell një perspektivë të dhimbshme dhe tronditëse mbi ngjarjen tragjike që ka ndodhur me Ilarian, duke e bërë atë edhe më të vështirë për tu pranuar për ata që e njihnin.
