Një 41 vjeçar është arrestuar në hyrje të Pikës Kufitare Morinë, pasi ishte i shpallur në kërkim se i është caktuar masa e sigurisë “arrest në burg”.
Në pranga ka rënë shtetasi D.K., 41 vjeç. Gjykata e Shkallës së Parë Tiranë ka caktuar ndaj tij masën e sigurisë “arrest në burg”, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Vënia në dispozicion e lokaleve për lojëra të palejuara”.
Ai iu dorëzua shërbimeve të Komisariatit të Policisë Nr. 4, Tiranë, për të ekzekutuar masën e sigurisë.
Njoftimi i policisë:
PKK Morinë
Kapet në hyrje, një shtetas i shpallur në kërkim për 2 vepra penale.
Shërbimet e Policisë Kufitare në PKK Qafë Morinë, si rezultat i kontrolleve të shtuara dhe i shkëmbimit të informacioneve me DVP Tiranë, kanë kapur shtetasin D. K., 41 vjeç.
Nga verifikimet, ky shtetas rezultoi i shpallur në kërkim për llogari të Komisariatit të Policisë Nr. 4, pasi Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë “Arrest në burg”, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Vënia në dispozicion e lokaleve për lojëra të palejuara”.
Ky shtetas iu dorëzua shërbimeve të Komisariatit të Policisë Nr. 4, të cilët ekzekutuan masën e sigurisë.
