Kreu i Partisë Demokratike, Sali Berisha, ka mbajtur një fjalim përpara të rinjve të FRPD-së, duke i ftuar ata që të jenë pjesë e një momenti historik më 11 maj, kur, sipas tij, shqiptarët do të përballen me një “vendim epik”. Berisha u shpreh se ky do të jetë një moment i rëndësishëm për të larguar “diktaturën e re” që, sipas tij, është instaluar në Shqipëri.
Berisha e cilësoi Kryeministrin Edi Rama si një “shpresëvrasës dhe arrogant” dhe e përshkroi atë si një “meme që ecën”. Ai theksoi se në 12 vitet e qeverisjes së Ramës, rinia shqiptare ka pasur një armik më të egër dhe më të pabesë se ky, duke bërë thirrje për ndryshim. Në fjalimin e tij, Berisha ngriti shqetësime për rritjen e trafikut të drogës dhe shkatërrimin e shkollave si institucione të edukatës. Ai kërkoi një angazhim të rinisë shqiptare për të shpëtuar vendin dhe për të mundësuar një të ardhme më të ndritshme, larg ndikimeve të qeverisë aktuale.
Sipas Berishës, më 11 maj, shqiptarët do të kenë mundësinë të përmbysin këtë “diktaturë të re” dhe të hapin një faqe të re për vendin.
Sali Berisha: Më 11 maj, shqiptarët janë përpara një vendimi epik. Përcilleni në harresën historike diktaturën e re. Përballë jush është një shpresë-vrasës e arrogant e një meme e gjallë. Rama është një meme që ecën. Nuk ka pasur rinia shqiptare një armik më të egër dhe më të pabesë se Edi Rama ndonjëherë. Në 12 vite, trafiku i drogës është shtuar, shkolla si institucion është shkatërruar.
