Kryeministri Keir Starmer do të presë këtë javë një takim të dytë, që pritet të jetë të shtunën për liderët e vendeve që mund të kontribuojnë për Ukrainën.
Takimi i drejtuar nga Starmer, do të jetë online. Kjo pason samitin e fundit që ai kryesoi në Lancaster House.Rreth 20 vende besohet se kanë shprehur interes për t’u bashkuar me koalicionin, megjithëse kuptohet se jo të gjithë do të ishin të gatshëm të dërgonin trupa në Ukrainë.
Zëdhënësi zyrtar i kryeministrit deklaroi se, përtej shteteve evropiane, “aleatët e Commonwealth” si Australia ishin pjesë e bisedimeve, duke shtuar qartësisht të gjithë ata që janë përfshirë në diskutime janë të interesuar të eksplorojnë saktësisht se çfarë janë në gjendje të kontribuojnë, megjithatë diskutimet janë në vazhdim.
Sipas tij edhe sekretari i mbrojtjes i Mbretërisë së Bashkuar John Healey gjithashtu do të udhëtojë në Paris këtë javë. Të martën, Healey, së bashku me homologun e tij francez, do të presë një “takim ushtarak” të anëtarëve të mundshëm të “koalicionit të gatshëm”.
Të mërkurën, Healey do të marrë pjesë në një takim të ministrave të mbrojtjes nga vendet e E5, Britania e Madhe, Franca, Gjermania Italia dhe Polonia.
