Nuk mendoj se Zelensky është mirënjohës ndaj Shteteve të Bashkuara.”
Kështu është shprehur presidenti Donald Trump për homologun e tij ukrainas, Volodymyr Zelensky, në një intervistë për Fox Neës.
Sa i përket debatit të tij me liderin ukrainas në Zyrën Ovale, Trump tha se “ishte si t’i marrësh karamelet një fëmije”.
“Ai është një djalë i ashpër, ai ka marrë shumë para nga ne”,- shtoi presidenti republikan.
Qëndrimin e tij nga Rusisë, Trump e cilësoi si ndër më të ashprin të mbajtur ndonjëherë ndaj Moskës nga një president amerikan apo lider tjetër botëror.
“Projekti më i madh që ata kishin bërë ndonjëherë ishte gazsjellësi Nord Stream 2. Do të furnizonin me gaz Gjermaninë dhe të gjithë të tjerët në Evropë. Dhe çfarë bëra unë? E ndalova”,-tha Trump.
