Një 48-vjeçare shqiptare ka humbur jetën si pasojë e një aksidenti rrugor në Irlandë.
Viktima raportohet se është Anila Muça, nënë e dy fëmijëve, e cila disa ditë më parë u përplas për vdekje nga një makinë, teksa ajo dhe dy miqtë e saj po vraponin në një park. Pas disa ditësh në spital, ajo nuk m undi t’i mbijetonte plagëve të mara. Mësohet se aksidenti ka ndodhur në afërsi të urës Blennerville, një rrugë e njohur për vrapim, çiklizëm dhe ecje në zonë.
Anila Muça ishte një atlete e apasionuar, pasi kishte marrë pjesë në një numër të madh maratonash gjatë viteve të fundit.
Për ngjarjen e rëndë ka reaguar dhe klubi “Born to Run” ku ajo bënte pjesë.
“Sot kemi mbetur të shkatërruar nga lajmi tragjik se mikesha e mirë Anila, ka ndërruar jetë pas një aksidenti. Lutjet tona janë me bashkëshortin dhe dy djemtë e saj dhe me gjithë familjen e Anilës në këtë kohë. Ne lutemi edhe për dy stletet e tjera që po vraponin me Anilën që të shërohen plotësisht, mendimet tona janë me të gjitha familjet këtë mbrëmje”– thuhet në reagim.
