Një aksident rrugor ka ndodhur mbrëmjen e së mërkurës, rreth orës 18:30, në aksin rrugor të quajtur “Ura e Leklit-Këlcyrë”, në hyrje të qytetit të Këlcyrës. Sipas informacionit zyrtar nga policia mësohet se shkak është bërë përplasja mes dy automjeteve.
Për pasojë ka mbetur i plagosur një nga drejtuesit e mjeteve, 64-vjeçari me iniciale D.K i cili ndodhet në spitalin e Gjirokastrës, nën kujdesin e mjekëve.Drejtuesi tjetër i automjetit, u shoqërua në komisariat, për veprime të mëtejshme. Grupi hetimor ndodhet në vendngjarje dhe po kryen veprimet e mëtejshme për aksidentin.
