Detaje të reja mësohen për plagosjen në Kukës. I plagosuri është identifikuar 29-vjeçari Elvis Halilaj, (kushëriri i Kryetarit të Bashkisë Kukës Albert Halilaj). I riu dyshohet të jetë plagosur nga një shtetas me detyrë Drejtor i drejtorisë së Shërbimeve në Bashkinë Kukës.
Sherri mes tyre ka nisur në vendin e quajtur “Sheshi i Agjensisë Bicaj”, ku Halilaj e ka goditur me grushte autorin e dyshuar. Pas përplasjes fizike Elvis Halilaj është larguar në drejtim të fshatit të tij, por është ndjekur nga autori dhe kur ka ndaluar pranë banesës makina e Halilajt, autori e ka qëlluar një herë më armë zjarri.
Deri në këto momente autori akoma nuk është arrestuar, edhe pse policia deklaron se ka bërë të mundur identifikimin e tij.
