Sot në Luksemburg u arrestua Edison Pula, anëtar të Bandës së Niklës, dënuar me 14 vite burg për vrasje dhe vepra të tjera të rënda penale. Pula është i njohur edhe për dy arratisje nga burgjet. Por kush është ai?
Profili i Edison Pulës:
Edison Pula, anëtar i bandës së Niklës, i akuzuar për atentatin e dështuar me eksploziv ndaj Gentjan Bejtjes në Larushk dhe për një sërë veprash të tjera penale. Ai u arratis edhe në vitin 2017 nga Policia në Fushë Krujë:
Edhe pse i prangosur dhe nën masa të rrepta sigurie 21-vjeçari në momentin që zbriti nga furgoni, mundi t’i shpëtojë policëve. Ai kapërceu murin rrethues, duke u larguar në drejtim të paditur. Arratisja ndodhi gjatë kohës së transferimit të tij nga stacioni i policisë së Fushë Krujës në të Krujës.
Uniformat blu ngritën postblloqe në rrugët kryesore dhe në të gjithë zonën për të kapur 21-vjecarin. Dy policët që e shoqëronin u treguan të pakujdesshëm dhe janë ndaluar me pas nga kolegët e tyre. Mbi Edison Pulën rëndojnë disa vepra penale si: ‘Vrasje me paramendim e ngelur në tentativë’, ‘Shkatërrim i pronës me eksploziv’, ‘Vjedhje me dhunë’ dhe ‘Prodhim dhe mbajtje e armëve dhe municioneve luftarake’.
Pula u prangos sëbashku me 8 anëtarë të tjerë të së njëjtës bandë. Sipas policisë ai është pjesëtar i grupit kriminal që organizoi atentatin ndaj Gentjan Bejtjes në fshatin Larushk të Krujës.
Në 2022 është arratisur nga burgu i Trevisos. Në 10 qershor 2022 tre të dënuar me origjinë shqiptare janë arratisur nga burgu i Trevisos në Itali.
Ngjarja ndodhi rreth orës 5 të mëngjesit. Ata kanë mundur të arratisen pasi prenë hekurat e qelisë ku po vuanin dënimin dhe zbritën me çarçafë.
Edison Pula njihet edhe si “mjeshtër” i arratisjeve nga burgu
2016: – Edhe pse u arrestua dhe nën masa të rrepta sigurie 21-vjeçari në momentin që zbriti nga furgoni, mundi t’i shpëtojë policëve. Ai kapërceu murin rrethues, duke u larguar në drejtim të paditur. Arratisja ndodhi gjatë kohës së transferimit të tij nga stacioni i policisë së Fushë Krujës në të Krujës.
2022- Edison Pula, 27 vjeç është arratisur nga burgu i Trevisos në Itali . Ai u arratis nga burgu bashkë me 2 shokët e tij, por këta të fundit u arrestuan nga Policia.
