Një sherr masiv ka ndodhur në Greqi gjatë orëve të natës, ku janë përfshirë shqiptarë e grekë.
Mësohet se ngjarja ka ndodhur rrugën “Pefkon 92” të Athinës, ku si pasojë një 19-vjeçar shqiptar është plagosur me kaçavidë në bark dhe në kofshë. Ai ndodhet në spital jashtë rrezikut për jetën. Dy bashkëkombës të tjerë të moshës 17 dhe 19 vjeç kanë plagë të lehta.
Autoritetet policore kanë arrestuar 7 të dyshuar, mes të cilëve katër të rritur dhe tre të mitur. Burime bëjnë me dije se sherri ka nisur si përplasje mes dy grupeve rivale, që e kishin lënë për tu takuar në zonë. 20 personat e përfshirë u ndanë në grupe dhe nisën të godisnin njëri-tjetrin. Sipas të njëjtave informacione, një dëshmitare okulare që ka parë se çfarë po ndodhte, u ka thënë djemve se kishte lajmëruar policinë por sërish nisën sulme më të rënda, si sulmi me kaçavidë.
Autorët janë larguar me një makinë të zezë dhe sipas vlerësimeve të para të autoriteteve, bëhet fjalë për një konflikt territoresh.
