Ariel Rraja, nipi i ish deputetit socialist, Rrahman Rraja është arrestuar ditëm e djeshme nga policia e Krujës.
Ariel Rraja ishte në kërkim për dhunën që së bashku me babanë e tij ushtroi ndaj Kujtim Cacës, ngjarje kjo e ndodhur në tetor të 2024.
Kujtojmë se konflikti midis Flamur Rrajës dhe Kujtim Cacës nisi për një kanal.
Rraja ka qenë nën masën e sigurisë “Arrest në shtëpi”, por pa kontrolleve të kryera ai nuk është gjetur në banesë, që ka çuar edhe në ndryshimin e masës së sigurisë ndaj tij.
Ndërkohë policia njofton se janë proceduar penalisht edhe dy persona të cilë, Flamur Rraja, i ati i Ariel Rrajës dhe Ermal Tufa, të cilët kanë kundërshtuar punonjësit e Policisë, gjatë ndalimit të 24-vjeçarit, dhe nuk u janë bindur urdhrit të tyre, për shoqërimin në komisariat.
“Specialistët e Seksionit për Hetimin e Krimeve të Komisariatit të Policisë Krujë ndaluan shtetasin e shpallur në kërkim A. Rr., 24 vjeç, të cilit Gjykata e Tiranës i ka caktuar masën e sigurisë “Arrest në burg”, për veprën penale “Largimi i të burgosurit nga vendi i qëndrimit”. Në vijim të veprimeve për këtë rast, janë proceduar penalisht shtetasit F. Rr., 56 vjeç dhe E. T., 26 vjeç, pasi kanë kundërshtuar punonjësit e Policisë, gjatë ndalimit të 24-vjeçarit, dhe nuk iu janë bindur urdhrit të tyre, për shoqërimin në komisariat”, njofton policia.
