Gjykata Kushtetuese do të marrë sot në shqyrtim kërkesën për shfuqizimin e masës ‘arrest shtëpie’ në të cilën kryetari i PD-së qëndroi për 11 muaj dhe iu ndryshua me vendim të GJKKO-së më 27 nëntor 2024. Kjo masë sigurie u dha nga GJKKO më 30 dhjetor 2023 po me kërkesë të SPAK, dy muaj pasi Berisha refuzonte të zbatonte ‘detyrimin me paraqitje para prokurorisë’ . Për këtë kërkesë SPAK fillimisht kërkoi autorizimin e Kuvendit.
Pjesë e trupit gjykues do të jetë dhe gjyqtarja Marsida Xhaferllari e cila kërkoi të jepte dorëheqjen por gjykata refuzoi.
Gjykata Kushtetuese rrëzoi më 21 nentor 2024 ankimin e Sali Berishës për të shpallur ‚antikushtetuese‘ masën e sigurisë ‘detyrim me paraqitje’, dhënë fillimisht nga GJKKO, me kërkesë të SPAK në kuadër të hetimeve të dosjes për aferën e privatizimit të ish-kompleksit Sportiv ‚Partizani‘.
