Ish-gjyqtarja e Elbasanit, Pajtime Fetahu, ka kërkuar nga Gjykata e Lartë shfuqizimin e masës së sigurisë “arrest në shtëpi” të caktuar ndaj saj nga Gjykata e Posaçme në gusht të këtij viti. Aktualisht, ajo po vuajti një masë sigurie tjetër, “arrest në burg”.
Arrestimi i Fetahut lidhet me hetimet e SPAK-ut, që dyshon se ajo ka qenë e përfshirë në aktivitete korruptive, përfshirë marrjen e ryshfetit nga vëllezërit Franc e Hajdar Çopja. Ata dyshohet të jenë anëtarë të një grupi kriminal, të përfshirë në krime të rënda si masakra e Bradasheshit në vitin 2018, ku u vranë tre persona, si dhe trafiku i drogës.
Fetahu u arrestua gjatë një operacioni të shkallës së gjerë që goditi një organizatë kriminale të dyshuar, të drejtuar nga Suel Çela, në fund të muajit nëntor. Sipas SPAK, ajo kishte komunikuar me anëtarët e organizatës përmes sistemit të koduar SKY ECC dhe ka marrë ryshfet për të favorizuar interesat e tyre në vendimet gjyqësore.
