Gjendja shëndetësore e Luis Meçes, 14 vjeçarit i cili mbeti i plagosur gjatë një konflikti fizik ndërmjet moshatarësh pranë shkollës 9 vjeçare “Fan Noli” ndodhet e jashtë rrezikut për jetën.
I shtruar në katin e tretë në spitalin e Traumës, Luisi po i nënshtrohet terapisë. Sipas mjekëve, 14-vjeçari ka marrë një plagë të thelle në gjoks dhe ka dëmtime të shpretkës, si dhe disa plagë të sipërfaqësore. Mjekët pohojnë se gjendja shëndetësore momentalisht është e stabilizuar dhe në një moment të dytë, do të diskutohet nëse do të kryhet ose jo një ndërhyrje kirurgjikale.
Nga ana tjetër, në lidhje me 14-vjeçarin Martin Cani i cili fatkeqësisht humbi jetën, mjeket thonë se ka mbërritur rreth orës 13:27 të së hënës me plagë në pjesën e majte të hemitoraksit dhe dëmtim të muskulit të zemrës dhe të mushkërive.
Martini ka mbërritur pa ndjenja në spitalin e Traumës dhe për afro 40 minuta ekipi i mjekeve është përpjekur për ta mbajtur në jetë, por nuk ia kanë dalë.
