Një plumb goditi trupin e një avioni të Southwest Airlines, i cili po përgatitej për nisje nga një aeroport në Dallas të Teksasit, duke bërë që fluturimi i së premtes mbrëma (15 Nëntor 2024) të anulohej, njoftoi kompania ajrore.
Avioni u nxor nga shërbimi, ndërsa kompania njoftoi se do të siguronte një fluturim tjetër për pasagjerët.
Aeroporti Love Field në Dallas bëri të ditur në një postim në rrjetet sociale se Departamenti i Policisë së Dallasit reagoi dhe pista 13R/31L u mbyll përkohësisht, por u rihap më vonë atë natë, duke pasur “ndikim minimal” në funksionimin e aeroportit.
