Një 19-vjeçar është vendosur në pranga pasi shiste kanabis të ndarë në doza në Divjakë.
Ai u kap në flagrancë ndërkohë që ishte duke drejtuar automjetin, informoi sot policia.
Ndërkohë në gjendje të lirë do të hetohet pasagjeri në automjet, për organizim të lojërave të fatit, me celular.
Njoftimi i policisë:
U arrestua në flagrancë shtetasi shtetasi S. K., 19 vjeç, banues në fshatin Gërmenj i Madh, Divjakë, i cili u kap në flagrancë duke drejtuar një automjet, në të cilin, gjatë kontrollit, shërbimet e Policisë gjetën lëndë narkotike kanabis të gatshme për shitje. Gjithashtu, gjatë kontrollit në banesën e këtij shtetasi, shërbimet e Policisë gjetën doza të lëndës së dyshuar narkotike cannabis sativa, gati për shitje.
Do të hetohet në gjendje të lirë për shtetasin A. Z., 18 vjeç, pasagjer në automjetin që drejtonte shtetasi S. K., pasi gjatë këqyrjes së aparatit të tij celular, iu gjetën faqe për organizimin e lojërave të fatit.
Në cilësinë e provës materiale u sekuestruan lënda narkotike, automjeti dhe 5 celularë.
Materialet procedurale i kaluan Prokurorisë, për veprime të mëtejshme.
