Një ngjarje e rëndë ka ndodhur sot në Tiranë, teksa një taksist ka rënë pre e grabitjes.
Mësohet se taksisti është grabitur nga një person që hipi në makinë si klient, por e kërcënoi shoferin me thikë duke i marrë një shumë parash. Pas njoftimit për ngjarjen, policia arriti ta arrestonte autorin 28-vjeçar, teksa hetimet për ngjarjen vijojnë.
Njoftimi i policisë:
Specialistët për Hetimin e Krimeve të Komisariatit të Policisë Nr. 4 arrestuan:
– M. S., 28 vjeç, banues në Tiranë, pasi dyshohet se duke qenë pasagjer në një taksi, nën kërcënimin e një mjeti prerës, i ka vjedhur një shumë parash drejtuesit të taksisë.
