Kryeministri Edi Rama gjatë pjesëmarrjes së tij në Forumin Ekonomik në Davos të Zvicrës zhvilloi një takim me liderat e Ballkanit Perëndimor.
Ka qenë vet kreu i qeverisë që ka postuar në faqen e tij të ‘Facebook’-ut një foto ku shihet me homologët e tij. Ai theksoi se mes liderave u bisedua mbi ecurinë e bashkëpunimit rajonal, procesin e integrimit europian si edhe rritjen e investimeve të huaja.
“Me takimin mes liderëve të Ballkanit Perëndimor, Komisionerit Hahn dhe CEO-s së Forumit Ekonomik Botëror, Borge Bende, mbi ecurinë e bashkëpunimit rajonal, procesin e integrimit europian si edhe rritjen e investimeve të huaja, u mbyll qëndrimi treditor në Davos.”, thuhet në mesazhin e Ramës.
