Ish-banorja e Big Brother Albania, Xhensila Pere, ka marrë një ofertë vërtet të majme nga një shqiptar i Kosovës, në këmbim të një nate me të.
Siç ka rrëfyer ajo në emisionin “Pop Culture”, shqiptari që jetonte jashtë, i ofroi 250 mijë euro për një natë, por u refuzua.
E pyetur për arsyen, ajo tha se nuk mund të marrë kurrë në konsideratë të tilla oferta nga njerëz që nuk janë të interesuar për të njohur Xhensilën.
“Mund të më njihte mua si Xhensilë dhe të më fitonte pa para”, tha ajo për njeriun i cili i kishte bërë ofertën.
Pyetjes se cili ishte personi që ia bëri këtë ofertë, ajo iu përgjigj:
“Ishte një shqiptar nga Kosova, por që jetonte jashtë”.
Xhensila tha se aktualisht është beqare, por konfirmoi dëshirën se i preferon meshkujt më të vegjël se veten.
