Kujtojmë se pak ditë më parë, Xhovana Nikollit iu vendos në derën e banesës një sasi eksplozivi. Nga shpërthimi i tritolit ajo dhe motra e saj nuk u lënduan, por fqinji i tyre 29-vjeçar ende ndodhet në spital duke luftuar për jetën. Shkak mendohet të jetë një video e postuar prej saj në TikTok, ku i drejtohet në mënyrë kërcënuese Nuredin Dumanit dhe të dashurës së tij. Xhovana Nikolli njihet për lidhjen e saj me Amarildo Nikollin, i cili u arrestua nga policia rreth një vit më parë, si i dyshuar që ishte porositur për të vrarë dy persona në qytetin e Vlorës.
Përveç videos ku Xhovana flet në mënyrë ‘kërcënuese’ kundër Nuredin Dumanit dhe të dashurës së tij, ajo ka publikuar një video tjetër para kësaj, ku ofendon rëndë të dashurën e Nuredinit. Edhe pse shumë nuk e kanë kuptuar se kujt i drejtohet ekzaktësisht, pasi e dashura e Dumanit nuk është e famshme në rrjete sociale.
E dashura kosovare e të dyshuarit për disa vrasje, Nuredin Dumanit quhet Mirjeta Hajdini.
