Një shqiptar ka rënë në prangat e policisë italiane, pasi akuzohet për tentativë vrasjeje. Ngjarja ka ndodhur në Bolonja, ku shqiptari, identiteti i të cilit ende nuk dihet, ka tentuar të vrasë një shtetas maroken.
Siç raportohet gjatë kontrollit të territorit nga policia lokale, një burrë është ndaluar në një kamion të një kompanie me qira, i cili në kontrollin e parë tha se ishte shtetas rumun, duke treguar në celularin e tij një fotografi të një leje drejtimi dhe kartë identiteti, të cilat më pas u konstatuan se ishin false.
Megjithatë, ai nuk i tregoi dokumentet në letër, duke raportuar se i kishte harruar në shtëpi, por më pas u zbuluan disa pasaktësi dokumentesh, të cilat bënë të besojnë se gjithçka ishte e rreme. Nga gjetjet fotodaktiloskopike, burri i lindur në vitin 1992, u konstatua se ishte i kombësisë shqiptare dhe nën urdhër arresti për ikje nga arresti shtëpiak pasi ishte përgjegjës për tentativën e vrasjes në tetor në rrugën “Marco Polo”.Dyshohet se konflikti mes tyre ka ndodhur për pazare droge, pasi shqiptari kishte precedentë të shumtë kriminale. Personi ishte në kërkim në të gjithë Italinë, nga të gjitha forcat e policisë.
