Kryeministri Edi Rama e ka nisur ditën me një mesazh urimi në rrjetet sociale për dy datat e rëndësishme që përkojnë me 12 qershorit.
Kreu i qeverisë ka përkujtuar 33 vjetorin e krijimit të Partisë Socialiste dhe 25 vjetorin e Çlirimit të Kosovës në të njëjtin postim.
“Mirëmëngjesi me një përqafim çdonjërit prej 93 mijë anëtarëve të Partisë Socialiste në këtë 33 vjetor të lindjes së saj, si edhe me një falënderim plot mirënjohje për simpatizantët e zgjedhësit që e kanë bërë partinë tonë forcën më të madhe të shqiptarisë, mishërim të Shqipërisë Europiane dhe sinonim të fjalës fitore, si edhe gjithashtu me një urim nga zemra të gjithë popullit të Kosovës për përvjetorin e hyrjes së forcave të NATO-s krah për krah me luftëtarët e Ushtrisë Çlirimtare të Kosovës”, shkruan Rama në rrjetet sociale.
