Trajtimi dhe arsimimi i ushtarakëve shqiptarë ishte në qendër të një takimi që ministrja e mbrojtjes Olta Xhaçka mbajti në Turqi me homologun e saj Nurettin Canikli.
Ministria e Mbrojtjes bën me dije se gjatë këtij takimi, Olta Xhaçka ka marrë mbështetjen maksimale nga homologu turk për plotësimin e çdo kërkese nga Shqipëria, për modernizimin e FA për çdo projekt të nevojshëm.
“Mora mbështetjen maksimale për plotësimin e çdo kërkese nga Shqipëria. Mbështetje për modernizimin e FA për çdo projekt të nevojshëm. Dakordësi për të zhvilluar kapacitet ushtarake”, është shprehur ministrja Xhaçka.
Trajtimi mjekësor i personelit ushtarak në Turqi do të vazhdojë.
Gjatë vizitës në Turqi Xhaçka është takuar edhe me ministrin e Brendshëm dhe shefin e FA turke, po ashtu ka takuar edhe studentët ushtarakë shqiptarë
“Jeni shembuj të mirë të disiplinës dhe profesionalizmit. Pjesë solide e piramidës sonë ushtarake”, tha ministrja Xhaçka gjatë takimit me studentët ushtarakë në Turqi.
