Një i moshuar është plagosur në Shkodër mesditën e sotme pasi është goditur me sende të forta.
62-vjeçari është dërguar menjëherë në spital për të marrë mjekimin e duhur. Raportohet se ai ka marrë dëmtime të rënda në trup.
Ngjarja ka ndodhur mes disa personave të paindentifikuar në lagjen “Partizani” të Shkodrës dhe si pasojë e sherrit ka mbetur i plagosur i moshuari.
Bëhet me dije se policia ndodhet në vendngjarje për të kryer hetimet e nevojshme për zbardhjen e ngjarjes dhe indentifikimin e autorëve.
Shkodër/Informacion paraprak:
Rreth orës 14:40, në lagjen “Partizani”, dyshohet se gjatë një konflikti, është dëmtuar me sende të forta, në kokë, shtetasi V. B., 62 vjeç, i cili po merr ndihmë mjekësore në Spitalin Rajonal Shkodër.
Shërbimet e Policisë kanë shkuar menjëherë në vendngjarje dhe vijojnë kontrollet për kapjen e autorit.
Grupi hetimor, në drejtimin e Prokurorisë, po punon për zbardhjen e rrethanave të ngjarjes, identifikimin dhe kapjen e autorit