Nisën takimet e raundit të 20-të të Euroleague, teksa janë zhvilluar tri sfidat e para. Panathinaikos fitoi me vështirësi 94-93 ndaj Zalgiris Kaunas, sukses që erdhi pas kohës shtesë, me grekët që vuajtën shumë për të marrë fitoren para fansave të tyre. Një lojë e mirë kolektive e Panathinaikos i dha fitoren ekipit Helen, me 3 lojtarë që realizuan nga 14 pikë (Denmon, Calathes dhe Lekavicius).
Në sekondat e fundit fiton edhe Baskonia Gasteiz, që fitoi 85-83 në fushën e Malagës, një ndeshje deri me rivalitet dhe emocione. Timma me 17 pikë ishte më i miri për Baskonia, duke i bërë të pavlefshme 19 pikët e Nedovic për vendasit. Pa probleme fiton Real Madrid, që mundi 87-689 Anadolu Efes, me Doncic që ralizoi 17 pikë, duke qenë më i miri për skuadrën “merengues”.
EUROLEAGUE – RAUNDI I 20-TË
25 janar, Panathinaikos – Zalgiris Kaunas, 94-93
25 janar, Real Madrid – Anadolu Efes, 87-68
25 janar, Unicaja Malaga – Baskonia Gasteiz, 83-85
26 janar, CSKA Moskë – Brose Bamberg, ora 18:00
26 janar, Fenerbahce – Barcelona, ora 18:45
26 janar, Crvena Zvezda – Olympiacos, ora 19:00
26 janar, Valencia – Khimki Moskë, ora 20:30
26 janar, Armani Milano – Maccabi Tel Aviv, ora 20:45