Azgan Mërnica ka dalë sot para gjykatës, në lidhje me vrasjen e efektivit të “Shqiponjave”, 3 ditë më parë.
Raportohet se për 23-vjeçarin është caktuar masa e sigurisë “Arrest me burg”, teksa ai ka mbetur pa mbrojtje. Ai nuk ka një avokat, e po ashtu, avokati kryesisht, i caktuar nga shteti nuk ka pranuar ta përfaqësojë.
I riu u paraqit në Gjykatën e Fierit nën masa të rrepta sigurie dhe i veshur me anti plumb, teksa ashtu sikurse në momentin që u vetëdorëzua edhe në seancën e sotme ai ka qëndruar i qetë dhe i buzëqeshur.
Ai u vetëdorëzua në polici mbrëmjen e 15 Majit, dy ditë pas krimit të rëndë ku i mori jetën efektivit.
