Numri i emigrantëve shqiptarë që shkojnë në Mbretërinë e Bashkuar në mënyrë të jashtëligjshme është ulur ndjeshëm këtë vit.
Në shifrat e fundit të publikuara nga Ministria e Brendshme britanike, rezulton se nga janari i këtij viti deri në prill, numri i shqiptarëve që kanë hyrë në Britani me gomone është 20. Kjo është shifra më e ulët që nga janari i vitit 2022.
Qeveria shqiptare dhe ajo britanike kanë nënshkruar një marrëveshje për të ndaluar kalimin e emigrantëve të jashtëligjshëm përmes kanalit të La Manshit, Autoritetet britanike kanë vlerësuar efikasitetin e kësaj marrëveshje.
